SAN ANDRES 5 MAILA 14-15

ORIO

Aurten, 5. eta 6. mailako ikasleak Orioko aterpetxera joan gara. Pasaden irailaren 17,18 eta 19an, hiru egun bikain pasatu ditugu;surf egiten, lagunekin jolasten, hondartzara joaten...

Hona hemen egin duguna:

• BIDAIA

Irailaren 17an , asteazkena , goizeko 10:00tan Ego-Gainen egon behar ginen autobusa hartzeko, baina gelako batzuk Urkizun gelditu ginen autobus geltokira taldeka  joateko .

5.mailako eta 6.mailako neska-mutilak elkartu ginen.Gure familiak agurtzera etorri ziren. 

5.mailako gehienak  autobus txikian joan ginen, sei neska izan ezik 6.mailako autobusean joan zirela.

Oriora joateko autopista hartu genuen. Bertara   ailegatu eta ikusi genuen lehenengo gauza hondartza izan zen.

• ORIOKO ATERPETXEA

Txurruka aterpetxea Orion (Gipuzkoa) dago.

Aterpetxera sartzen zarenean, eskumaldean futbol zelaia eta saskibaloiko kantxa  bat daude. Ezkerraldean “voleibol” sari bat dago. Honen  aurrean ping-pong-eko bi mahai daude. Frontoi txiki bat dago eta nahiz eta itxita egon piszina bat ere du.

Logelak eta jangela 3 eraikuntzetan banatuta daude.

• LOGELAK

Logelak 2 eraikuntzetan banatuta zeuden: Bat Hondartza deitzen zen eta bestea Mendia.  Eraikuntza bakoitzean 48 lagunentzat zegoen lekua. Logela bakoitzean 12 neska-mutil sartzen ziren; hau da 6 litera eta 2 armairu handi.

Lehenengo gauean asko kostatu zitzaigun lo egitea: urdurik geunden, beroa egiten zuen, parrandarako gogoa genuen eta batzuentzat  koltxoiak desberdinak eta gogorrak zirelako. Bigarren egunean  lo hartu genuen oso azkar, kantsatuta bait geunden.

Heldu ginenean logelak oso garbi zeuden eta ondo usaintzen zuten, azkeneko egunean berriz era askotako usainak zeuden.

Komunak, zein dutxak garbi zeuden eta kopuru aldetik ez zegoen arazorik hauek erabiltzeko.

• JANGELA

Orion janaria oso ona zegoen, gure  etxekoa bezalakoa.

Bigarren egunean hondartzan jan genuen: ogitartekoak, platanoa, pasteltxoa.. ederki eguzkiarekin! Oso ondo pasatu genuen!  Egunero, gosaltzera gindoazenean jangelan usain bikaina zegoen: bizkotxoa, esne beroa, kakaoa…

Azken egunean, bazkaltzeko zegoen janaria ikusterakoan  batzuk aho zabalik geratu ginen, makarroiak eta izozkia genuen! Batzuk errepikatu nahi izan zuten, baina izozkiak zenbatuta zeuden.

• ORIOKO HONDARTZA

Lehenengo egunean, barnetegitik arratsaldeko 16:00tan atera ginen Orioko hondartzara joateko. Ordu bat eta erdi ibili ginen eta oso nekatuta geunden iritsi ginenean. Heldu eta berehala, olatuak ikusita, andereñoek ez bainatzeko esan ziguten.

Gu asko haserretu ginen eta baita ere protestatu genuen. Orduan irakasleek ur ertzean ipintzea eta olatuak etortzen zirenean bustitzea utzi ziguten. Batzuk burua jarri zuten aurpegia bustitzeko, baina oso hotza zegoen.

Bainatu ondoren eraman genituen ogitartekoak jan eta jolastera joan ginen. Batzuk argazki kamarekin zeuden eta argazkiak ateratzen aritu ziren, besteak harrapaketan jolasten ibili ziren. Geroxeago bueltatzen hasi ginen eta beste ordu bat eta erdi berriro oinez, bero handiarekin, uf zein nekagarria!

• ZARAUTZERA BIDAIA

Bigarren egunean Zarautzera joan ginen. Egun horretan lehenago esnatu behar ginen hamaiketan Zarautzen egon behar ginelako.

Bidea oso gogorra zen eta hondartzara jaisteko eskailera asko zeuden. Behin hondartzara heldu ginenean gutxienez kilometro bat ibili behar izan ginen.

Hondartzan geundenean zulo bat egin genuen. Gero bainatu ginen eta olatu onak zeuden. Hondartzan janaria eta askaria jan genituen.

Arratsaldean Oriora bueltatu ginen.

• SURF IKASTAROA

Bigarren egunean surf ikastaroa egitera joan ginen. Ikasle asko ginenez hiru talde antolatu ziren, talde bakoitzak bi orduko ikastaroa egin behar zuen.

Hondartzan geundela lehenengo taldea surf eskolara joan zen neoprenoak janztera. Uretan sartzerakoan ura oso hotza zegoen eta surfeko taulak  oso handiak ziren,bertan bi pertsona batera sartu zitezela.

Lehenengo olatuak pixka bat handiak ziren, baina saiatzen baldin bazinen lortzen zenuen  taulan zutitzea.   

Gure ustetan surf-a oso dibertigarria, kirol polita iruditu zitzaigun, baina denok oso nekatuta bukatu genuen.

• ORIOKO AZKEN EGUNA

Ohetik altxatutakoan jantzi eta jolasteko momentu bat eduki genuen.

Jolas momentu  hori eta gero gosaltzera joan ginen.

Jangelara sartzean zarata egon arren ez zen aurreko egunetako buila  entzuten, denok oso nekatuta bait geunden.

Esne usaina zegoen, bizkotxoa oso ona zegoen.Gosaldu eta gero jolastera joan ginen.

 

Jolas ordua bukatutakoan, andereñoek globoak urez bete zituzten. Guk globoekin joko bat egin genuen eta busti egin ginen. Segituan autobusak heldu ziren eta Eibarrera iritsi ginen.